Carlos Rodríguez Dacal presenta o monográfico máis completo sobre o Xardín Botánico Artístico de Padrón

O auditorio municipal de Padrón acolleu esta tarde a presentación do libro Xardín Botánico-Artístico de PadrónAo servizo da Ciencia e da Sociedade, de Carlos Rodríguez Dacal, doutor en Ciencias Biolóxicas, catedrático de Ciencias Naturais e antigo conservador do xardín padronés. Trátase do monográfico máis completo publicado a data de hoxe sobre este emblemático espazo verde padronés, que en apenas unha hectárea de terreo atesoura unha gran riqueza patrimonial, paisaxística, botánica, científica e artística, pero tamén nun espazo de divulgación e de ocio.

O libro permítelle ao lector mergullarse na historia de Padrón e, ao mesmo tempo, recompila nun só volume o que significa o Xardín Botánico Artístico, escrito por unha persoa que o coñece a fondo. Dende unha perspectiva interdisciplinar e ao longo de máis de 270 páxinas a obra, promovida e editada polo Concello de Padrón, aborda a historia, a cultura, a arte, a natureza, a vida e a funcionalidade deste espazo histórico, declarado Ben de Interese Cultural con categoría de xardín histórico no ano 1946. Como subliña o autor na súa introdución “faltaba un libro que abordase, con enfoque interdisciplinar, planteamento científico e carácter divulgativo o que vale e o que representa o xardín padronés. Esta obra é a monografía máis completa sobre este espazo”, asegura o autor.

Rodríguez Dacal confesa que a súa traxectoria profesional houbese sido ben distinta sen a comuñón mantida co Xardín Botánico-Artístico de Padrón, o “Xardín dos meus Amores”, como se refire a el. Ninguén mellor que el coñece todos os seus recunchos, os seus segredos, as súas estruturas e os máis de 200 exemplares, autóctonos e foráneos. “A redacción deste libro éncheme de orgullo e de satisfacción; é un xeito de honrar ao xardín, de poñer en valor este espazo e facelo figurar entre os máis relevantes”, remarca o que foi o conservador deste patrimonio vivo padronés, agradecendo ao Concello a iniciativa.

A obra, encomenda polo Concello de Padrón ao doutor en Ciencias Biolóxicas e conservador do xardín dende 1986 ata hai algo máis dunha década, é froito de meses de traballo e de investigación, de horas de mergullo documental e de consulta bibliográfica na procura de datos, fotografías, recortes de prensa, actas, e mesmo de recompilación de tradición oral. Ao longo das súas páxinas Rodríguez Dacal vai debullando as reviravoltas que converteron ao xardín nunha obra mestra da arte da xardinería e no xardín modélico de Galicia, a súa historia (xardín botánico artístico, xacobeo, rosaliano, con ánima de poetas…), o seu equipamento arquitectónico (peche perimetral, edificio multiusos, o invernadoiro, as fontes monumentais, etcétera) e o seu bagaxe escultórico (estatua de Macías O Namorado, Rosalía de Castro, os bustos de Castelao e de Ernesto Gende e mesmo o Banco dos Namorados).

Non podía faltar no libro unha ollada ao catálogo florístico e a relación de Árbores Monumentais e Singulares como a palmeira do Senegal, a Coroa de Cristo, o castaño de Indias, as sequoias de Rosalía de Castro e a de Macías O Namorado, o carballo Fastigiado, o sombreiro de copa, a árbore de coral, o carpes ou a T de plátanos de sombra. E mesmo a de plantas memorables que atesoura o xardín padronés (como o drago de Agüimes, a sabina de Aranda del Duero; o  boj do Nobel o pedrón do Apóstolo, a figueira de Rosalía ou o carballo de Castelao, entre outros).

Mención aparte representa o capítulo titulado Ao Servizo da Ciencia e da Sociedade onde o autor aborda a figura do conservador do xardín, os trimestres de charlas educativo-culturais pola que pasaron infinidade de escolares de Galicia, a celebración do día da Árbore e da Comunidade Escolar, os cursos de formación, os libros de firma e mesmo as publicación realizadas en torno ao pulmón verde de Padrón, emblema da vila con máis de século e medio de existencia.

Xardín Botánico-Artístico de Padrón. Ao servizo da Ciencia e da Sociedade, editado tanto en galego como en castelán polo Concello de Padrón, é unha porta aberta, unha invitación a descubrilo en toda a súa magnitude. As concelleiras de Cultura, Lorena Cousa, e Participación Cidará, Carmina Bustelo, asistiron á presentación, que se celebrou no auditorio municipal.

Padrón pecha con éxito as visitas guiadas deste verán ao Xardín Botánico

Preto de 90 persoas participaron nas visitas guiadas ao Xardín Botánico de Padrón durante os meses de xullo e agosto. Tendo en conta as particulares circunstancias vividas este verán con motivo da pandemia do Covid-19, o equipo de Turismo de Padrón valora de xeito positivo a participación na actividade, que en todo momento se levou adiante coidando escrupulosamente as medidas sanitarias de seguridade.

Ademais das visitas guiadas, existen outras accións de divulgación do Xardín nas que desde o concello de Padrón se está a traballar, como a creación da páxina https://xardinbotanico.padronturismo.gal onde é posible acceder a información do Xardín (catálogo de especies, novas do Xardín, descargas de material divulgativo, visitas, contacto…), e a sinalización das principais especies.

A penúltima visita ao Xardín Botánico de Padrón e a súa boa acollida

O pasado sábado tivo lugar a penúltima visita programada ao Xardín Botánico Artístico de Padrón e contou cunha importante participación. Un total de once persoas, procedentes de A Coruña, Noia, A Estrada, Pontecesures e Vigo puideron coñecer dun xeito máis próximo algunha das xoias botánicas e monumentais que aquí se atopan.

As visitas guiadas ao Xardín, que se realizan durante os meses de xullo e agosto (todos os sábados ás 11.00h da mañá), son de balde e requiren de inscrición previa na Oficina de Turismo de Padrón, no teléfono +34 646 593 319 ou no correo turismo@padron.gal. O número máximo de participantes é limitado (19 persoas por visita), atendendo ás normas de seguridade para a prevención do Covid-19.

A conciliación de verán visita o Xardín Botánico

Unha quincena de rapaces e rapazas do programa de conciliación do centro ocio padronés Barallocas participaron o pasado martes das visitas guiadas ao Xardín Botánico-Artístico de Padrón que o departamento de Turismo do Concello de Padrón ten programadas para este verán.

A rapazada, con idades comprendidas entre os 5 e os 10 anos, amosou unha grande expectación durante toda a actividade e participou activamente formulando preguntas e compartindo as súas impresións sobre os aspectos que máis lles chamaron a atención da visita.

As visitas guiadas ao Xardín, que se realizan durante os meses de xullo e agosto (todos os sábados ás 11.00h da mañá), son de balde e requiren de inscrición previa na Oficina de Turismo de Padrón, no teléfono +34 646 593 319 ou no correo turismo@padron.gal. O número máximo de participantes é limitado (19 persoas por visita), atendendo ás normas de seguridade para a prevención do Covid-19.

A excursión da ANPA As Loiras de Catoira a Padrón

O pasado sábado 11 de xullo o animado grupo da “ANPA As Loiras” de Catoira (Pontevedra) achegouse a Padrón para coñecer de preto a riqueza patrimonial de Padrón.  Logo de visitar a Casa Museo de Rosalía de Castro, o grupo participou na visita guiada promovida polo departamento de Turismo de Padrón. Durante a xornada, a rapazada e as persoas acompañantes desfrutaron das particularidades deste icónico Xardín.

As visitas guiadas ao Xardín, que se realizan durante os meses de xullo e agosto (todos os sábados ás 11.00h da mañá), son de balde e requiren de inscrición previa na Oficina de Turismo de Padrón, no teléfono +34 646 593 319 ou no correo turismo@padron.gal. O número máximo de participantes é limitado (19 persoas por visita), atendendo ás normas de seguridade para a prevención do Covid-19.

Comezan as visitas guiadas ao Xardín Botánico Artístico de Padrón

Preto de unha quincena de persoas participaron na primeira das visitas guiadas ao Xardín Botánico-Artístico de Padrón, unha cita que tivo lugar o pasado sábado 4 de xullo. Esta  actividade, que gozou de boa acollida por parte das persoas participantes, está enmarcada nas liñas de acción do Plan de Reactivación do Sector Comercial e Turístico que o Concello de Padrón vén de deseñar tras a crise sanitaria do Covid-19.

As visitas guiadas ao Xardín, que se realizan durante os meses de xullo e agosto (todos os sábados ás 11.00h da mañá), son de balde e requiren de inscrición previa na Oficina de Turismo de Padrón, no teléfono +34 646 593 319 ou no correo turismo@padron.gal. O número máximo de participantes é limitado (19 persoas por visita), atendendo ás normas de seguridade para a prevención do Covid-19.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies